Takimet mes përfaqësuesve të koalicionit qeverisës janë bërë të shpeshta, ndërsa komentet pas tyre bëjnë të ditur se tema të diskutimit kanë qenë debatet për buxhetin e vitit 2016.
Mesditën e sotme, kreu i PS ka mbledhur Taulant Ballën, Gramoz Ruçin, Saimir Tahirin dhe disa ministra të tjerë në vilën Nr.30 në ish-Bllok.
Ky takim vjen një ditë pas miratimit të buxhetit, ndërsa të pranishëm janë edhe drejtuesit e Lëvizjes Socialiste për Integrim si Ilir Meta, Petrit Vasili dhe Ylli Manjani.
Kohë më parë, mediat kanë hedhur idenë se në takim flitet jo vetëm për buxhetin, por edhe për ndryshime të mundshme në qeveri. Pikë kjo nga e cila LSI nuk ka hequr dorë dhe e ka ripërsëritur nevojën për ‘impulse të reja’. (javanews.al)
