Kryetari i opozitës Lulzim Basha përshëndeti miratimin e ligjit për dekriminalizimin me konsensus. Gjatë një konference për mediat nga selia blu, Basha tha se personat e inkriminuar që tashmë i largon ligji nga administrata, po katapultohen në Partinë Socialiste për të grabitur zgjedhjet e ardhshme.
“Edi Rama nuk ka vullnet ta bëjë dekriminalizimin. Persona të dënuar me precedentë të tmerrshëm krimnalë kanë marë në dorë PS në Lezhe, Shkodër e Malësi të Madhe, Krujë, Fushë Krujë e Mirditë, Kavajë, Lushnje, Divjakë, Tepelenë e Këlcyrë, dhe me gjasë ka ndër mend ta shtrirë në të gjitha vendin. Kjo tregon se ai nuk ndahet dot nga krimi.
Me keqqeverisjen dhe korrupsionin e pafre, ai nuk garon dot nuk përballet dot me kundërshtarin, nuk ka ide parime, alternativë, të vetmen shpresë që ka është se me banditët që ka ka dhe po i transferon në parti synon të kapë e manipulojë zgjedhjet. Por ne, Partia Demokratike nuk do ta lejojmë. Beteja për votën e lirë është beteja e radhës e madhe. Ne do ti prijmë kësaj beteje, sepse me votën e lirë do të shërohen plagët që Edi Rama i ka shkaktuar vendit.
Protestat dhe mosbindja civile do të shtrihen në mbarë vendin. Beteja për zgjedhje të liria nuk do të ndalen”, tha Basha.
Më tej kreu i opozitës garantoi se partia Demokratike nuk do të afrojë persona të inkriminuar. Sipas Bashës, selia blu, e ka dëshmuar këtë me fakte, ndryshe nga shumica qeverisëse.
“Dekriminalizimi është një arritje e madhe për vendin, për qytetarët shqiptarë dhe vlera më e madhe e këtij parimi ëhstë se arrriti të sanksionohet, u kthye në ligj, normë të detyrueshme për zbatim që lindi nga opozita si pakicë. Si një ide që i mbijetoi të gjitha intrigave dhe makinacioneve të Edi Ramës. Trimfoi si një ide e vogël që u bë e madhe nga mëbshteetja juaj, mbështetja popullore. Kjo ide e madhe e pastrimit të politikës nga të dënuarit për vepra të rënda penale, është sot një paketë ligjore me efekt të menjëhershëm. Votimi i djeshëm do të mbahet mend si dita që e mira triumfoi mbi të keqen. Garantoj sot çdo qytetar se paketa e dekriminalizimt do të zbatphet pikë për pikë nga unë, nga Partia Dmeokratike në cdo hap me funksionarët dhe të zgjedhurit tanë. Ky është një vullnet që e kemi treguar me shembuj konkret deri në zgjedhjet e fundit lokale”, tha Basha. (javanews.al)
