Dy persona kanë humbur jetën në Marinzë të Fierit ditën e sotme, si pasojë e një aksidenti. Bëhet me dije se automjeti me të cilin ata udhëtonin doli nga rruga dhe përfundoi në një kanal.
Për pasojë, dy personat, identiteti i të cilëve nuk bëhet me dije, dyshohet se janë mbytur. Viktimat dyshohet se janë naftëtarë.
Kjo ngjarje e rëndë pason ato e pak orëve më parë ku dy pushues të moshuar nga Maqedonia e Veriut u mbytën në Spille. Ndërsa në Velipojë u gjet i mbytur një shtetas i Kosovës.
Njoftimi:
Sot rreth orës 13:00, në Marinëz është gjetur i përmbysur në një kanal një automjet tip “Nisan”.
Po punohet për nxjerrjen e tyre pasi dyshohet se brenda tij mund të jenë 2 persona dhe mund të jenë mbytur nga uji.
Grupi hetimor po punon për zbardhjen e plotë të ngjarjes.
