Belind Këlliçi ka pësuar një nga humbjet më të thella të opozitës në histori në Tiranë. Sipas tabelës zyrtare të KQZ për rezultatet, Belind Këlliçi ka humbur edhe në lagjen e tij, në rrugën “Myslym Shyri”, ku edhe votoi bashkë me prinderit dhe vëllain.
Në këtë qendër votimi Veliaj ka marrë 109 vota, ndërkohë Belind Këlliçi nuk ka mundur dot të marrë më shumë se 83 vota.
Gjatë fushatës, Këlliçi deklaroi se do të hiqte korsitë e biçikletave të vendosura nga Bashkia e Tiranës në rrugën “Myslym Shyri”, por me sa duket vota kundër në 14 maj ka qenë edhe votë kundër këtij propozimit nga qytetarët dhe bizneset e shumta në këtë zonë, të cilar kanë shprehur sërish mbështetjen për Veliajn dhe investimet e tij në këtë njësi.
Në gjithë Tiranën, deri më tani Veliaj është me 45 mijë vota diferencë me Belind Këlliçin dhe ky rezultat pritet të thellohet edhe më shumë kur ka ende 200 kuti pa u numëruar.
Belind Këlliçi pëson disfatë në Astir dhe lagjen “5 Maji”, humbet keq
Kandidati i Berishës dhe i Metës, Belind Këlliçi ka pësuar një disfatë edhe në zonën e Astirit dhe lagjen “5 Maji”. Nëse shohim të dhënat e KQZ, vihet re se kryebashkiaku Erion Veliaj ka arritur një fitore të thellë edhe tek dy zonat ku Foltorja kishte shpresa të mëdha, si Astirin dhe “5 Majin”.
Për më tepër, deri dy muaj më parë, Belind Këlliçi ka qenë edhe deputet i zonës së Astirit.
Të dyja këto zona Belind Këlliçi i përdori si “kalë beteje” kundër Veliajt duke bllokuar projektet e Bashkisë. Por mesa duket, Astiri ka zgjedhur shkollat më shumë se përçarjen, dhe 5 Maji ka zgjedhur shtëpitë më shumë se përdorimin politik./m.j
