Një tjetër aksident tragjik ka ndodhur gjatë orëve të vona të natës në autostradën Tiranë-Durrës u kanë humbu jetën dy persona.
Sipas policisë, rreth orës 23:30 të mbrëmjes së djeshme, e mërkurë, në autostradën Durrës-Tiranë, pa shkuar në Maminas një mjet tip Benz me targa AA 060 SP është përplasur me mjetin Taksi me targa DR 475 TX.
Për pasojë kanë ndërruar jetë drejtuesi i mjetit tip Taksi Bujar Agalliu, 60 vjeç, banues në Durrës dhe pasagjerja, Elena Abdillari, 23 vjeçe, banuese në Tiranë.
Nga veprimet paraprake dyshohet se mjeti tip Benz e ka përplasur nga mbrapa mjetin tip Taksi dhe kjo e fundit për të devijuar është futur në një karburant.
Në mjetin tip Benz nuk është gjetur asnjë person.
Në vendngjarje ndodhen efektivet e policisë, të cilët po punojnë për gjetjen e drejtuesit të mjetit tip Benz dhe zbardhjen e rrethanave të ngjarjes. Policia po punon për gjetjen e shkaktarit të aksidentit./a.m.
