Titulli “Akademik”, Nard Ndoka: Njerëzit janë xhelozë!
Deputeti i Partisë Demokristiane, Nard Ndoka ka folur titullin “Akademik” që morri nga një univeristet në Itali. Sipas tij të gjithë ata që e ‘sulmuan’ janë xheloz pasi nuk kanë arritur të bëjnë asgjë me forcat e tyre në jetë
“Unë kam marrë disa tituj nga institucione ndërkombëtare, por edhe këtu në Shqipëri, nuk kam investuar që ato të vijnë, më kanë vlerësuar dhe jam ndjerë shumë mirë kur më janë komunikuar. Jam “Akademik Nderi”, i shpallur më 11 Qershor 2013, nga Akademia Norman, në Itali. Jam shpallur përsëri “Akademik Efektiv Nderi”, më datë 16 Korrik 2015, nga Akademia Internacionale Konstadiniane e Shkencave Mjekësore, Juridike dhe Sociale e Italisë. Asnjë nga këto tituj dhe mirënjohje që më janë dhënë nuk ka kosto financiare, aq më tepër që dy prej tyre vijnë nga institucione ndërkombëtare. Nuk i konsideroj sulme, por xhelozi të njerëzve që nuk kanë arritur të bëjnë asgjë me forcat e tyre në jetë!”, ka deklaruar Ndoka.
