(VIDEO) Goditën barbarisht me hunj punonjësit e policisë bashkiake, 4 persona në pranga

Policia vë në pranga 4 persona të cilët paraditen e sotme kanë goditur barbarisht punonjësit e policisë bashkiake kur ata ishin duke kryer detyrën për lirimin e hapësirave publike. Dhunuesit i kanë goditur policët bashkiakë me hunj, karrige dhe mjete të tjera rrethanore. Të arrestuarit nga policia janë shtetasit, Jetmir Deda, Naim Sula, Admir Strazimiri, E. D.

Njoftimi i policisë

Sot më datën .13.08.2016 u bë arrestimi në flagrancë i i shtetasve :1. Jetmir Deda, 41 vjeç, lindur ne Dibër dhe banues në Tiranë.2. Naim Sula, 29 vjeç, lindur në Kukës dhe banues Tiranë.

3. Admir Strazimiri, 40 vjeç, lindur në Dibër dhe banues Tiranë.

4. E. D, 17 vjeç ,lindur ne Diber dhe banues në Tiranë.

Arrestimi i këtyre shtetasve u bë pasi policia bashkiake ka qënë duke kryer detyrën për lirimin e hapësirave publike në rrugën “Ferit Xhajko” afër ish restaurant “Durresi” dhe kanë hasur në kundërshtimin e njërit prej pronareve të bizneseve shtetasit Naim Sula, i cili kishte zëne hapësiren publike.

Ky i fundit së bashku me shtetasit e tjerë të përmendur më sipër kanë goditur me grushta, karrige dhe sende të tjera elektroshtepiake punonjësit e policisë bashkiake duke i shkaktuar dëmtime te ndryshme ne trup.

Materialet do ti kalojnë Prokurorisë pranë Gjykatës Shkallës parë Tiranë për veprën penale të “Goditje për shkak të detyrës ” te parashikuar nga neni 237 Kodit Penal.

ma.me