Parandalohet një ngjarje e rëndë kriminale në Tiranë. Një i ri u arrestua pasi tentoi të vrasë ish-të fejuarën me thikë.
Efektivët e Komisariatit të Policisë Nr 4, pas informacionit të marrë dhe reagimit në kohë kanë bërë të mundur parandalimin e një ngjarjeje të rëndë kriminale në afërsi të Shkollës “Bajram Curri”.
Si rezultat i ndërhyrjes në kohë u kap në flagrancë shtetasi Altin M., i cili ka goditur me thikë në këmbë, ish të fejuarën e tij shtetasen A. N., e cila u dërgua në SQU dhe ndodhet jashtë rrezikut për jetën.
Grupi hetimor po punon për sqarimin e plotë të rrethanave të ngjarjes./a.m.
