Një plagosje me armë zjarri mbremjen e sotme ka tronditur kryeqytetin. Atentati ka ndodhur prane gjimnazit “Partizani” ne nje lokal ne rrugën ‘4 dëshmorët’. Raportohet se nje person eshte plagosur. Ai eshte derguar menjehere ne spital ku po merr ndihmen mjekesore. Mësohet se shënjestër e atentatit ka qenë shtetasi Edison Delia 26 vjeçar. Burimet nga spitali thane se ai ndodhet jashte rrezikut per jeten. Policia ka mbërritur në vendin e ngjarjes dhe ka nisur hetimet në lidhje me këtë ngjarje.
Informacioni paraprak nga Policia:
Më datë 20.07.2017, rreth orës 21:11, në numrin e Emergjencave 112, ka ardhur telefonatë për të shtëna me armë në afërsi të gjimnazit “Partizani”.
Në vendngjarje kanë mbërritur shërbimet e policisë dhe ambulanca.
Nga verifikimet paraprake ka rezultuar se në rrugën “4 Dëshmorët”, është gjendur një shtetas i shtrirë dhe i gjakosur i cili është transportuar në spitalin “Ushtarak”, ku ndodhet nën kujdesin e mjekëve.
Në vendin e ngjarjes janë sekuestruar gëzhoja të qitura nga armë e llojit pistoletë.
Janë ngrit pika kontrolli në hyrje dalje të zonës dhe vazhdon krehja e territorit.
Grupi hetimor po vazhdon punën për saktësimin e gjeneraliteteve të të plagosurit dhe zbardhjen e shkakut dhe rrethanave të ngjarjes.
ma.me
