Disa të shtëna me armë zjarri kanë tronditur Tiranën mbrëmjen e së shtunës. Ngjarja ka ndodhur në zonën e Kombinatit ku raportohet për një konflikt mes dy personave, por fatmirësisht nuk ka pasur të lënduar sipas policisë.
Sipas policisë, një person i dehur u konfliktua me pronarin e një pike bastësh. Pasi kanë debatuar, shtetasi me inicialet A.D. ka qëlluar me automatik në drejtim të lokalit por fatmirësisht plumbat nuk kanë prekur askënd.i
Njoftimi paraprak i policisë:
Më datë 23.01.2016, në rrugën e “Qelqit”, Kombinat, shtetasi me iniciale A . D, i cili ka qenë në gjendje të dehur është konfliktuar me pronarine një Lloto Sport.
Pas konfliktit shtetasi i shpallur në kërkim tashmë nga policia, ka marrë një armë automatik dhe ka gjuajtur në drejtim të derës së Lloto Sportit. Nga të shtenat nuk ka të plagosur.
Policia ka identifikuar personin shtetasin me iniciale A. D, si edhe po punon për kapjen e tij i cili dyshohet të jetë larguar me një automjet tip Fiat.
Në vendngjarje janë gjetur 3 gezhoja armë zjarri tip kallashnikov.
Policia ka mbërritur menjëherë në vendngjarje dhe po punon për zbardhjen e plotë të ngjarjes dhe kapjen e autorit.
