Një 54 vjeçar është gjetur i mbytur në liqenin e Farkes ku mendohet se kishte shkuar për peshkim. Burime zyrtare nga policia bëjnë me dije se shtetasi i identifikuar me inicialet A.H banues në Mjull Bathore ka ndërruar jetë si pasojë e shkaqeve aksidentale pasi nuk janë konstatuar shenja dhune.
Njoftimi i plotë:
Më datë 30.01.2018, në liqenin e fshatit Stërmas, është gjetur i mbytur shtetasi A.H, vjeç 54, banues në fshatin Mjull Bathore, Farkë. Paraprakisht dyshohet se shtetasi A.H kishte qene duke peshkuar dhe se vdekja ka ardhur si pasoje e shkaqeve aksidentale, pasi ne trupin e viktimes nuk jane konstatuar shenja dhune apo nga ndonje faktor tjeter i jashtem. Materialet u referuan në Prokurorinë e Rrethit Gjyqësor Tiranë, për veprime te metejshme.
