Disa qytetarë janë konfliktuar me stafin e mjekëve të Pediatrisë në QSUT duke i goditur me grushte dhe shqelma mbrëmjen e sotme rreth orës 22:30.
Report Tv, bën me dije se prindërit kishin dërguar fëmijën në pediatri, pasi kishte probleme me shëndetin.
Pas vizitës, mjeku i ka rekomanduar që të vazhdojë mjekimin në shtëpi, por prindërit e fëmijës dhe familjarët e tjerë që ishin të pranishëm kanë kërkuar trajtim në spital, por debati ka degjeneruar në dhunë.
Prindërit kanë goditur mjekun, ndërsa më pas në sherr janë përfshirë edhe familjarët e tjerë dhe infermieret.
Stafi mjekësor ka marrë disa fraktura nga goditjet, ndërsa pas njoftimit policia ka mbërritur në vendin e ngjarjes duke shoqëruar një person. /a.m.
