Arrestohet Geldo Hoti, 37 vjeç, personi që u ndalua një ditë më parë nga policia në Kakavijë, teksa tentonte të largohej për në Greqi. Burime zyrtare nga policia konfirmuan këtë të shtunë se ndaj 37-vjeçarit është vcendosur marasa e arrestit për dy akuza penale: vrasje e mbetur në tentativë në rrethana cilësuese dhe armëmbajte pa leje.
Sipas policisë, Geldo Hoti, banues në Tranë, ka qenë i pranishëm gjatë konfliktit të ndodhur të enjten, në ambientet e brendshme të lokalit “Monopoli” në rrugën “Ibrahim Rugova” në zonën e ish-Bllokut dhe dyshohet të ketë qëlluar me armë zjarri gjatë konfliktit ku mbeti i vrarë Fabian Gaxha, dhe u plagosën Ervis Martinaj dhe Eljon alias Emiljano Hato.
Njoftimi i Policisë Tiranë
Kapet dhe ndalohet një tjetër shtetas i përfshirë në konfliktin e ndodhur në një lokal në mbrëmjen e datës 05.10.2018, ku mbeti i vrarë shtetasi F. G., dhe u pagosën shtetasit E. M., dhe E. H.
Specialistët për Hetimin e Krimeve ndaj Jetës dhe Pronës në D.V.P. Tiranë në bashkëpunim me shërbimet e Policisë Kufitare Gjirokastër, mbasditen e djeshme kapën dhe ndaluan shtetasin :
– Geldo Hoti, 37 vjeç, banues në Tiranë.
Ky shtetas ka qenë i pranishëm gjatë konfliktit të ndodhur më datë 05.10.2018 në ambientet e brendshme të një lokali në rrugën “Ibrahim Rugova” dhe dyshohet të ketë qëlluar me armë zjarri gjatë konfliktit ku mbeti i vrarë shtetasi F. G., dhe u plagosën shtetasit E. M., dhe E. H.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Vrasje në rrethana të tjera cilësuese kundër dy ose më shumë personave, mbetur në tentativë e kryer në bashkëpunim” dhe “Prodhimi dhe mbajtja pa leje e armëve luftarake dhe municionit”, parashikuar nga nenet 79/dh, 25, 278 të Kodit Penal.
ma.me
