Rreth 20 banorë të ish-konvikteve të Institutit Bujqësor në Tiranë protestojnë për mungesën e energjisë elektrike, duke kërcënuar se do të hidhen nga pallati.
Ata thonë se kanë 8 muaj pa energji elektrike kur faturat i kanë paguar, ndërsa sipas tyre OSHEE nuk ia ka dhënë shtetit. Shumica e personave që kërcënojnë se do të hidhen nga pallati janë fëmijë. Madje ata deklarojnë se do të digjen me benzinë,
“Jemi 400 familje kemi 8 muaj pa drita. Nuk jemi debitorë ndaj shtetit, ja kemi paguar ndërmarrjes por ajo nuk ia ka dhënë shtetit. Kryeministri po na trajton sikur të ishim serbë”, kanë thënë banorët.
Në vendin e ngjarjes kanë shkuar edhe forcat e policisë, të cilët po punojnë për të mbajtur nën kontroll situatën. Kjo nuk është hera e parë që këta banorë protestojnë, pasi u është prerë energjia elektrike si debitorë.
