Ashtu siç ishte bërë e ditur, Tirana është zgjuar pa makina. Në bulevardin “Dëshmorët e Kombit” ka vetëm njerëz me biçikleta. Bllokimi i akseve kryesore ka nisur që në orën 7 të mëngjesit dhe do të zgjasë deri në orën 22:00 të mbrëmjes.
Këtë mëngjes, kryebashkiaku Erion Veliaj, i veshur me kostum ka udhëtuar për në punë me biçikletë.
Si pjesë e aktiviteteve të parashikuara në axhendën e ditës pa makina ishte dhe celebrimi i çifteve në sheshin pranë Bashkisë ku kryetari Veliaj. Ada dhe Ermiri ishin çifti i parë që celebroi kreu i Bashkisë Veliaj në një ceremoni të veçantë i cili shprehu kënaqësinë e kurorëzimit të martesave në ditën pa makina në kryeqytet.
Veliaj pritet të bëjë celebrimin e 5 çifteve me biçikletë si pjesë e aktiviteteve të 22 shtatorit pranë monumentit të Skënderbeut.
Gjatë gjithë ditës bashkia ka planifikuar një sërë aktivitetesh, siç është Yoga, që do të nisë në orët e para të mëngjesit. Gjithashtu do të organizohen disa koncerte, lojra për fëmijë si dhe kursen për pedalimin e biçikletave.
