Godina e Bashkisë së Tiranës është veshur me një flamur gjigand kuqezi me rastin kremtimit të 111-vjetorit të Pavarësisë.
Gjithashtu, në shumë shtëpi shqiptarët kanë menduar të nxjerrin një flamur Kuq e Zi që valëvitet në dritaret e tyre.
Përmes një postimi në rrjete sociale, kryetari i Bashkisë së Tiranës, Erion Veliaj fton qytetarët që t’i bashkohen paradës kuqezi më 28 nëntor në bulevardin “Dëshmorët e Kombit”. “Mirëmëngjesi nga Tirana e veshur kuq e zi! Shihemi më 28 Nëntor në Bulevardin “Dëshmorët e Kombit”, ora 11:00. Parada kuq e zi 2023”, shkruan Veliaj.
/a.r
