Më 30 tetor 2025, në Piramidën e Tiranës, rikthehet Tirana Slush’D me edicionin e dytë, një konferencë e fuqizuar nga Slush HQ që bashkon themelues, investitorë dhe inovatorë nga rajoni, Evropa dhe Nordikët.
Contents
Çfarë është Tirana Slush’D?
Çfarë e bën ndryshe edicionin 2025?
“Albania Now” në Helsinki: 7 startup-e shqiptare do të jenë pjesë e stendës kombëtare Fil Rouge Capital: kush janë dhe oferta e veçantë prej 300,000 € në Tirana Slush’D
Kush duhet të aplikojë?
Pse ka rëndësi për ekosistemin?
Çfarë është Tirana Slush’D?
Tirana Slush’D, organizuar nga BLimitless, është edicioni lokal i komunitetit global Slush, eventi më “founder-focused” në botë, i lindur në Helsinki. Qëllimi: të krijojë dhe të ndihmojë themelues që ndryshojnë botën, duke i lidhur me investitorë, mentorë dhe media.
Çfarë e bën ndryshe edicionin 2025?
Data & vendndodhja: 30 tetor 2025, Piramida e Tiranës.
Fokus tek founder-at: pitch-e, takime me investitorë dhe mundësi rrjetëzimi të kuruara.
Shteg drejt Helsinkit: fituesit e pitch-eve synojnë të përfaqësojnë Shqipërinë në Slush 2025 (19–20 Nëntor, Helsinki).
“Albania Now” në Helsinki: 7 startup-e shqiptare do të jenë pjesë e stendës kombëtare
Për herë të parë, 7 startup-e shqiptare do të përzgjidhen për të qenë pjesë e Slush Helsinki në nëntor, si pjesë e një stende të dedikuar me sloganin “Albania Now”. Kjo është një mundësi e artë sepse Slush është vendi ku për dy ditë “kompresohet” një muaj takimesh: qindra tavolina takimesh të rezervueshme paraprakisht, mijëra takime një-më-një dhe një densitet rekord investitorësh. Të qenit në Helsinki si delegacion kombëtar i jep startup-eve ekspozim shumë më të gjerë ndaj VC-ve globalë, mediave dhe partnerëve korporatë; gjithashtu rrit kredibilitetin e Shqipërisë si ekosistem që po vjen me ofertë konkrete inovacioni.
Fil Rouge Capital: kush janë dhe oferta e veçantë prej 300,000€ në Tirana Slush’D
Fil Rouge Capital (FRC) është një menaxher fondesh VC për fazat e hershme (pre-seed, seed, Series A), aktiv në Evropën Qendrore e Juglindore, me një portofol të gjerë dhe tre fonde të ngritura deri më sot. FRC ka njoftuar se po vjen në Tiranë me një mundësi investimi unike prej 300,000€ për një startup pjesëmarrës në Tirana Slush’D 2025.
Kush duhet të aplikojë?
Startup-e në fazë të hershme që kërkojnë feedback, mentorim dhe kapital.
Investitorë & partnerë që kërkojnë dealflow nga Ballkani dhe më gjerë. Talente teknologjie & profesionistë produkti që duan të lidhen me themeluesit e radhës.
Pse ka rëndësi për ekosistemin?
Një event si Tirana Slush’D rrit densitetin e takimeve cilësore në një ditë të vetme: pitch-e të kuruara, qasje te investitorë ndërkombëtarë dhe ekspozim mediati, pikërisht ajo që u duhet themeluesve për të përshpejtuar raundet e para dhe partneritetet strategjike. Filozofia e Slush (“the most founder-focused event on earth”) e vërtetuar në Helsinki tani po përkthehet edhe në Tiranë, për të dytin vit. Geek Room do të jetë aty për të raportuar në kohë reale. Më shumë detaje zbulohen ditët në vijim.
