Parku i Liqenit është kthyer në hapësirën e preferuar nga kryeqytetasit.
I shndërruar tashmë në një nga shëtitoret më të preferuara të kryeqytetasve, mëngjeset dhe mbrëmjet po i tërheqin gjithnjë e më shumë qytetarët e të gjitha moshave drejt parkut.
Nga ana e tyre, punonjësit e bashkisë së Tiranës po kujdesen për një qytet sa më të pastër dhe të gjelbëruar
Kryetari i bashkisë së Tiranës, Erion Veliaj e ka nisur ditën me pamjet nga parku i liqenit. Duke publikuar një sërë fotosh, Veliaj i ka uruar të dielë të këndshme qytetarëve që zgjedhin të kalojnë kohë edhe në Parkun e Liqenit. “Mirëmëngjes! Qetësi e adhurueshme mes cicërimave meliodioze në park!
Ditë të këndshme”, -thotë Veliaj.
Investimet në rrugë, ndërtimi i parqeve për fëmijë, shtimi i pemëve, sistemimi i koshave të mbeturinave, këndet sportive, lulishte dhe ndriçimi e bëjnë parkun, destinacion të preferuar për kryeqytet.
