Donald Trump dhe Kim Jong-un, janë në listën e njerëzve më me ndikim në botë, hartuar nga revista “Times”.
Krah tyre qëndron një tjetër figurë e rëndësishme, Xi Jingping, presidenti kinez.
Por, në të njëjtën listë ndodhet edhe Robert Mueller, prokurori special që po kryen hetimet për dosjen Russiagate, të cilat mund të çojnë edhe në shkarkimin e Trump-it nga kreu i Shtëpisë së Bardhë.
Mes liderëve që kanë shenjuar 2018-n janë edhe presidenti francez, Emmanuel Macron, me gjithnjë e më shumë ndikim në Europë dhe i preferuar edhe nga kancelarja gjermane, Angela Merkel.
Një tjetër figurë me ndikim është e kryebashkiaku i Londrës, Sadiq Khan. Ndërsa çifti i vitit janë princi Harry dhe gruaja e tij e ardhshme, Meghan Markle.
Nuk mungojnë në kategorinë e “titanëve” edhe eksponentët e lartë të Silicon Valleyt, si Jeff Bezos dhe Elon Musk, gjithnjë e më të pushtetshëm, por nuk mund të mos bjerë në sy mungesa e Mark Zuckerberg./TEMA
a.ç
