Sërish ata bëhen personazhe. Tifozët e Tiranës kanë pasur mosmarrëveshje me Policinë në stadiumin e Pogradecit, gjatë kohës kur ata kanë dashur të sistemohen në vendin e tyre, në sektorin pas portës.
Nuk është fjala për ndonjë konfrontim fizik, por për mosmarrëveshje mes palëve, që ka penguar tifozët bardheblu të shkojnë në kohë në vendin e paracaktuar për ta.
Tifozët e Tiranës po bënin gati banderolat e tyre për t’i shpalosur në shkallët e stadiumit.
Tifozët bardheblu janë qetësuar, por gjithmonë ka probleme mes tyre dhe Policisë. Në stadiumin “Selman Stërmasi” ata refuzojnë të ndjekin e ekipin e tyre derisa policia të heqë dorë nga kontrolli i kartave të identitetit. shqiptarja.com
