Ish-presidenti amerikan George Bush i vjetri, i ka dërguar një letër presidentit të zgjedhur Donald Trump, ku i shpreh keqardhjen për mospjesëmarrjen në ceremoninë e inaugurimit të tij.
Në letrën e dërguar në 10 janar, Bush sqaron se ai e ka të pamundur të jetë i pranishëm pasi mjekët i’a kanë ndaluar.
Ai u uron suksese presidentit të ri ndërkohë mbetet i hapur nëse Trump do të ketë nevojë për ndihmën e Bush.
Letra ishte shkruar para se Bush të përfundonte në spital.
Kjo është letra që ai i ka shkruar Trumpit:
I dashur Donald,
Barbaras dhe mua na vjen shumë keq që s’mund të marrim pjesë në inaugurimin tënd më 20 janar. Mjeku më ka thënë se qëndrimi jashtë në janar me siguri më çon në varr. Njëjtë i ka thënë edhe Barbaras. Prandaj, ne do të rrimë në Teksas.
Por, ti dhe vendi do të jeni në mendjen tonë. Unë dua të dish se të dëshiroj shumë sukses teksa nis këtë rrugë të mrekullueshme të udhëheqjes së vendit tonë madhështor. Nëse ke nevojë për ndihmën time ndonjëherë, të lutem më trego.
Çdo të mirë,
George
***
/a.m.
