Tre të rinj nga Mirdita janë arrestuar ndërsa 8,5 kg kanabis janë sekuestruar, është ky bilanci i aksionit të policisë së Shkodres mbrëmjen e së shtunës në aksin nacional Shkodër- Muriqan.
Bertjan Pepkola, 24 vjeç, Aldo Përleka, 22 vjeç dhe Xhulio Përleka, 23 vjeç, të tre banues në Lezhë po udhëtonin drejt Muriqanit me lëndën narkotike kur polica u vendosi një postbllok pranë urës së Bahçallëkut për të ndaluar automjetin.
Pasi automjeti tip benz me targa LE 7958 A është afruar, drejtuesit të automjetit i është bërë më shenjë për t’iu ndaluar postbllokut të policisë. Në këtë moment drejtuesi i automjetit i ka dhënë gaz autoveturës duke thyer postbllokun dhe duke dëmtuar 2 automjetet.
Menjëherë, automjete të tjera të policisë që kanë qenë në postobllok, janë vënë në ndjekje të Benzit me targa të Lezhës, ndërsa nuk kanë munguar edhe të shtënat me armë zjarri.
Pas rreth 1 km, automjeti i 3 të rinjve ka përfunduar në ujrat e lumit Buna. Çdo gjë ka ndodhur pranë kthesës së Zuesit ku autovetura që transportonte lëndën narkotike ka humbur drejtimin si pasojë e shpejtësisë dhe ka dalë nga rruga.
Të 3 të rinjtë u transportuan në spitalin rajonal Shkodër, ku morën ndihmën e nevojshme mjekësore dhe u shoqëruan në ambientet e Drejtorisë Vendore të Policisë Shkodër, për veprime të mëtejshme.
340-3920 by e-d21
