Thithja e investitorëve të huaj është në axhendën kryesore të qeverisë shqiptare, në mënyrë që vendi të ketë një rritje ekonomike mbi 5% deri në fund të 2019.
Gjatë qëndrimit në Nju Jork ku mori pjesë në Asamblenë e Kombeve të Bashkuara, kryeministri Edi Rama gjatë ka zhvilluar edhe takime me kompani investuese të Wall Street.
Lajmi është bërë i ditur ambasadorja e Shqipërisë në SHBA, Floreta Faber.
Gjatë një postimi në Facebook, diplomatja shqiptare thotë se investitorët u njohen me potencialin ekonomik të Shqipërisë dhe mundësitë për investime.
“Gjatë këtyre takimeve është prezantuar potenciali ekonomik i Shqipërisë dhe mundësitë e investimeve në fushën e naftës dhe energjisë së rinovueshme, minierave, zhvillimin e turizmit, zhvillimin e bujqësisë dhe produkteve bio.”, shkruan Faber.
Faber thotë se u diskutua edhe “prioriteti për sjelljen në Shqipëri të linjave të prodhimit dhe zhvillimeve të fundit të teknologjisë“. Ajo thotë se kompanitë paraqitën mjaft interes dhe drejtuan një numër pyetjesh në lidhje me ambientin e bërjes biznes dhe zbatimin e ligjit në vend.
Postimi i plotë i ambasadores
Gjatë javës së Asamblesë së Përgjithshme në OKB, Kryeministri Edi Rama zhvilloi një takim me kompani investuese të Wall Street. Gjatë takimit u prezantua potenciali ekonomik i Shqipërisë dhe mundësitë e investimeve në fushën e naftës dhe energjisë së rinovueshme, minierave, zhvillimin e turizmit, zhvillimin e bujqësisë dhe produkteve bio, si dhe prioriteti në sjelljen në Shqipëri të linjave të prodhimit dhe zhvillimeve të fundit të teknologjisë. Kompanitë paraqitën mjaft interes dhe drejtuan një numër pyetjesh në lidhje me ambjentin e bërjes biznes dhe zbatimin e ligjit në vend.
Javanews/a.ç
