Protestuesit e opozitës kanë brohoritur gjatë emrin e ish kryeministrit Sali Berisha. Teksa kryedemokrati Lulzim Basha qëndronte krah aleatit Fatmir Mediu, Berisha i nxitur nga militantët ka lëvizur në të gjithë perimetrin e tubimit për t’u përshëndetur.
Më herët Berisha ka refuzuar të distancohet nga dhuna duke nënvizuar se protesta ishte paqësore. Teksa gazetarët e kanë pyetur lidhur me deklaratën e Shteteve të Bashkuara për qetësim të situatës dhe distancim ndaj dhunës, Berisha ka rrefuzuar të përgjigjet. Më pas, pas insistimit të gazetarëve, ai tha se i mirëkupton deklaratat e SHBA-së, por opozita dhe ai kanë axhendën e tyre.
“Tiranët do të kenë atë fat sa herë që ta meritojnë, ndaj i them Ramës mos e harro këtë sepse duhet të jesh skllav i të gjitha veseve dhe krimeve të njërit që të mos japësh sot dorëheqjen para këtij tsunami të paparë. Dhuna ishte skenar kryekëput i Rama, ishte skenarë sepse policia hoqi kordonin.
Kush i hodhi bombat me gaz? Policia i hodhi. Do rri këtu të ndaj fatin dhe kënaqësinë me këta njerëz që kanë ardhur nga gjithë vendi.
Cadra ishte lule more, ca cadre, ishte lule, se c’do ketë më mbrapa nga ky popull.
Ai do ikë si mbatharak, dhe nuk ka rrugë tjetër. Edi Rama ia mbathi për në Vlorë, a e patë ju.
Se si do vazhdojë do bëhet shumë shpejt e qartë, vazhdim do jetë mjerues për Edi Rama, prapë do ia mbathë, prapa do ta ndjekim, është e qartë. Për shqiptarët vota është shumë e rëndësishme”, tha Berisha.
/a.meta
