Pasi kishte vizituar refugjatët kosovarë në vitin 1999, ai kishte thënë, mes tjerash, “Kur i ligi e tregon fytyrën, mos e lejo të forcohet, interveno”.
Ka ndërruar mbrëmë jetë shkrimtari Elie Wiesel. Shkrimtari, i shpëtuar i Holokaustit, fitues i Nobelit për Paqe në vitin 1986, dikur ishte angazhuar edhe për Luftën që po ndodhte në Kosovë.
Pasi kishte vizituar refugjatët kosovarë në vitin 1999, ai kishte thënë, mes tjerash, “Kur i ligi e tregon fytyrën, mos e lejo të forcohet, interveno”.
Poshtë KultPlus ka nxjerrë tetë thënie të autorit çifut amerikan, me prejardhje rumune, mbi Zotin, njerëzimin dhe Holokaustin.
“Për neve, harresa asnjëherë nuk ishte mundësi. Kujtesa, në anën tjetër, është një akt fisnik dhe i nevojshëm” (Fjalimi i pranimit të Çmimit Nobel për Paqe – 1986)
“Ishte e pamundshme të paramendoje Aushvicin pa Zotin, njëjtë sikur Zotin pa Aushvicin. Kësisoj, gjithçka duhej të rivlerësohej sepse gjithçka kishte ndryshuar për të gjithë” (Fjalimi i pranimit të Çmimit Nobel për Paqe – 1986)
“Jam betuar që kurrë nuk do të jem i qetë krahas vuajtjeve dhe poshtërimeve që përjeton një qenie njerëzore. Gjithmonë duhet të kemi anën e dikujt. Neutraliteti veç sa i ndihmon atij që shtypë, asnjëherë jo viktimës. Heshtja i jep zemër agresorit, asnjëherë atij që shtypet” (Fjalimi i pranimit të Çmimit Nobel për Paqe – 1986)
“Rrallë flas mbi Zotin. Me Zotin, po. Protestoj kundër Tij, i bërtas. Por debat mbi kualitetet e Tij, problemet që ai i imponon, jo. Dhe Ai është ende aty, në qetësi, në filigran” (Intervistë me Paris Review, 1984)
“Duke ecur mes të vdekurve, mendon se je gjallë. Dhe tmerri i vërtetë na kapi të gjithëve më vonë. Kur dolëm nga nata e nisëm të kërkonim kuptim” (Fjalimi i pranimit të Çmimit Nobel për Paqe – 1986)
“E kundërta e dashurisë nuk është urrejtja, por mosdija. E kundërta e bukurisë nuk është shëmtia, por indiferenca. E kundërta e fatit nuk është herezia, por mosdija. Dhe e kundërta e jetës nuk është vdekja, por mosdija mes të dyjave” (Intervistë, 1986)
“Asnjë racë njerëzore nuk është superiore, asnjë besim fetar nuk është inferior. Gjykimet janë të gabueshme, ato i krijojnë racistët” (Intervistë me Parade Magazine, 1992)
“Kur një hebre viziton Jerusalemin për herë të parë, nuk është hera e parë, është kthim në shtëpi” (Intervistë, 2010), citohet KultPlus.com. ( b.an)
