Një nga themeluesit e UÇK-së, Bardhyl Mahmuti pas vrasjes së policit në veri ka kërkuar se Republika e Shqipërisë duhet të kërkojë mbajtjen e një mbledhjeje urgjente të Këshillit të Sigurimit të OKB-së
“Duke u nisur nga fakti se agresioni i sotshëm i Serbisë kundër Kosovës paraqet hapin e parë drejt një lufte me pasoja të mëdha për tërë rajonin, është në kompetencë të Republikës së Shqipërisë që, si anëtare e përkohshme e Këshillit të Sigurimit, të thërras mbledhje urgjente ku do të shqyrtohej rrezikimi i paqes dhe sigurisë në Ballkanin Perëndimor!
Vetëm qëndrimet e prera dhe të qarta të akterëve me peshë në skenën politike ndërkombëtare kundër cenimit të integritetit territorial dhe të sovranitetit të Kosovës, që është duke bërë aleati i Rusisë, mund të ketë efekte pozitive në parandalimin e përkeqësimit të situatës shpërthyese në këtë pjesë të Europës. Heshtja përpara kësaj situate me rreziqe të mëdha për paqen dhe sigurinë rajonale është inkurajim për Serbinë, si aleate të Rusisë putiniane në këtë pjesë të Ballkanit’, ka shkruar ai në ‘Facbook’.
