Shtyrja e zgjedhjeve të 5 qershorit nuk e ka zgjidhur krizën politike dyvjeçare në Maqedoni, por përkundrazi situata është tensionuar edhe më shumë.
Analistët politikë në Prishtinë e Shkup kërkojnë trysni më të madhe nga bashkësia ndërkombëtare mbi faktorin politik maqedon, në mënyrë që kjo krizë të mos reflektojë edhe në rajon. Analistët kritikojnë edhe përçarjen e shqiptarëve, ndërsa një takim të ri të liderëve e shohin të domosdoshëm
Shteti i Maqedonisë po vazhdon të rrëshqasë në një krizë të thellë politike, që ka rezultuar edhe me tensionimin e marrëdhënieve ndëretnike.
Vendimet e fundit të Parlamentarit të Maqedonisë për anulimin e zgjedhjeve të 5 qershorit dhe shkarkimi i ministrave të opozitës nga Qeveria kalimtare, nuk e ka zgjidhur krizën dyvjeçare të këtij shteti,shkruan gazeta ‘Zeri’. (b.an)