Për herë të parë pas 13 vjetësh Marsi, Saturni dhe Hëna janë parë nga Toka “pranë” njëri-tjetrit. Hera e fundit që dy planetet dhe Hëna kanë pasur këtë “afërsi” ka qenë më 28 gusht 2003 dhe e njëjta dukuri do të përsëritet më 27 korrik 2018.
Marsi ndodhet në pikën më të afërt me Tokën duke u dukur më i shndritshëm për herë të parë pas dy vitesh. As ndriçimi i Hënës së plotë nuk e ka zbehur dritën e Planetit të kuq.
Dukuria arriti pikën kulmore pas mesnatës dhe në orët e para të mëngjesit të 22 majit, por mund të shikohet edhe mbrëmjen e sotme më sy të lirë.
Marsi mund të shihet në fotot e Shqiptarja.com poshtë hënës së plotë, i shndritshëm me nuancat e ngjyrës së kuqe ndërsa Saturni mund të shihet në anën e majtë të hënës.
d.i.
