Thellohet konflikti sa i takon mandatit të anëtares së Gjykatës Kushtetuese Holta Zaçaj.
Vetë Gjykata e Lartë, si organ emërtese, pak kohë më parë deklaroi në media se zonjës Zaçaj i mbaron mandati në fillim të vitit që vjen dhe i kërkoi Kushtetueses të shpallë krijimin e vakancës.
“Sipas nenit 9 të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese”, Kryetari i Gjykatës Kushtetuese, jo më vonë se 3 muaj përpara përfundimit të mandatit të një gjyqtari të Gjykatës Kushtetuese… njofton organin emërtesë për vendin vakant.”
Referuar këtij rregullimi ligjor, Gjykata Kushtetuese duhet të deklarojë mbarimin e mandatit të Znj. Holta Zaçaj jo më vonë se data 10.12.2024. Pas kësaj date, Kryetari i Gjykatës së Lartë duhet të shpall garën për zgjedhjen nga Gjykata e Lartë të anëtarit të ri të Gjykatës Kushtetuese me mandat të plotë 9 vjeçar”, thuhej në reagimin e Gjykatës së Lartë.
Mirëpo dje ka reaguar vetë kryetarja e Kushtetueses, zonja Zaçaj, e cila deklaron se nuk ka ndërmend të largohet deri në fund të vitit që vjen. Sipas saj, ligji nuk përcakton datë për mbarimin e mandatit dhe ajo pretendon se i lind e drejta të rrijë deri në fund të 2025. Megjithatë ajo ka deklaruar se do t’i drejtohet Komisionit të Venecias.
“Duke qenë se, as dispozita kushtetuese, për rrjedhojë as vendimi i Gjykatës së Lartë për zgjedhjen në detyrë të Gjyqtares Kushtetuese, nuk ka një datë të përcaktuar për përfundimin e kësaj detyre, bazuar në rregullat e përgjithshme juridike për llogaritjen e afateve, si afat fundor i ushtrimit të detyrës do të duhet të konsiderohet fundi i vitit 2025. Data e përfundimit të detyrës së gjyqtarit paraardhës, në rastet kur ai ka përfunduar mandatin e plotë, nuk referohet nga Kushtetuta apo ligji si një ngjarje juridike, e cila përcakton edhe përfundimin e mandatit të gjyqtarit pasues”, shprehej Zaçaj.
Mirëpo Gjykata e Lartë nuk e ka pranuar qëndimine sja. Sot kjo gjykatë ka shpallur procedurt për plotësimin evakncës. Në dokument gjykata shrpehets e mandati i saj mbaron në muajin mars dhe nuk ka asnjë diskutim. Sipas Gjykatës së Lartë, mos shpallja e vakancës nga ana e Kushtetueses nuk epengon gjykatën të nisë procedurat.
Njoftim per hapjen e procedures se aplikimit per Anetar te Gjykates Kushtetuese 2024
