Bandat shqiptare po synojnë nënat e ardhshme që janë të gatshme të regjistrojnë emigrantët si baballarë të fëmijëve të tyre të palindur, ka zbuluar një hetim nga “The Sun”.
Reklamat e Tik Tok po bëjnë thirrje për gra që janë gati të kenë në certifikaën e lindjes së fëmijës së tyre emrin e një azilkërkuesi, të cilit i është refuzuar qëndrimi në Britani. Kështu ai mund të shmangë dëbimin duke pretenduar se ka një familje në Mbretërinë e Bashkuar.
Sipas “The Sun”, shifrat e emigrantëve që kanë kaluar Kanalin Anglez deri më tani përgjatë kjëtij viti kanë arritur në 5400, një rekord i ri.
Gjat hetimit, “The Sun” gjeti një llogari në Tik Tok, e cila është emëruar “Zyra konsullore Londër”.
“Puna jonë vazhdon çdo ditë. Kemi gra me fëmijë. Regjistroni fëmijët e tyre me emrin tuaj në Mbretërinë e Bashkuar”, thuhet në llogarinë e Tik Tok.
Anëtarët e bandave ndajnë imazhin e një bisede në WhatsApp. At kanë biseduar me një grua “Katy me fëmi”, e cila i ka dërguar foto të ekos së fëmijës.
Anëtari i bandës i përgjigjet: Uau, ai duket shumë i mirë dhe i fortë. Mezi presim ta shohim atë.
Ajo përgjigjet: Po, gjithçka është në rregull.
Anëtari i bandës përgjigjet: Mirë. Unë do ta njoftoj klientin.
Një person i brendshëm në komunitetin shqiptar në Mbretërinë e Bashkuar tha për The Sun: Një marrëveshje është bërë mes ndërmjetësit dhe një gruaje britanike.
Sipas marrëveshjes, kur fëmija lind, në certifikatën e lindjes shkruhet emri i një emigranti ilegal shqiptar.
“Pastaj duke përdorur ligjet për të drejtat e njeriut, ky person aplikon për leje qëndrimi.”
“Është një mënyrë e re për të siguruar lejen për të qëndruar në Mbretërinë e Bashkuar dhe përdoret nga njerëz azili i të cilëve është refuzuar nga Zyra e Brendshme dhe do të deportohen në çdo kohë.
Një vendim i Komisionit të Përzgjedhur të Çështjeve të Brendshme në qershor të vitit të kaluar për ta shpallur Shqipërinë një vend “të sigurt” ndihmon në shpjegimin e këtyre grupeve të mashtrimit.
Në tre muajt e parë të këtij viti, 700 persona janë dëbuar në vendlindje.
Ndërkohë, shifrat e Home Office tregojnë se 13,714 shqiptarë kanë aplikuar për azil deri në mars 2023.
/a.r
