Urdhër-arresti për biznesmenin italian Francesco Becchetti bëri një jehonë të madhe në mediat botërore. Është britanikja “The Guardian”, e cila në një artikull të saj shkruan se italiani mund të përballen me 15 vjet burg nëse dënohet për akuzat e ngritura ndaj tij.
Në fakt Becchetti pikërisht në itali ka në pronësi të tij edhe një ekip futbolli, përkatësisht “Leyton Orient”. Në fakt është shefi ekzekutiv i klubit Alessandro Angelieri, i cili insiston se Becchetti nuk është i interesuar për të shitur klubin anglez.
“Absolutisht që Presidenti nuk kërkon të shesë klubin. Ai do të vazhdojë të fitojë sepse ai nuk preferon të humbasë si gjithë biznesmenët e tjerë. Pritshmëritë tona janë që brenda dy ose tre viteve të ngjitemi me një ose dy liga më sipër” ka thënë Alessandro Angelieri. “Autoritetet shqiptare kanë lëshuar urdhërarreste për pronarin e “Leyton Orient”, Francesco Becchetti dhe nënën e tij, të akuzuar për veprat penale të lidhura me mashtrimin dhe të pastrimit të parave mbi një skemë të dështuar hidro-energjetike që dyshohet t’i kushtojë qeverisë dhjetëra miliona euro në grante dhe taksat e papaguara. Becchetti, i cili bleu klubin korrikun e kaluar, i cili e bëri pasurinë e tij me riciklimin e mbetjeve, tani përballet me konfiskimin e aseteve të tij në Shqipëri. Akuzat kundër tij mund të çojnë në një dënim maksimal me burg prej 15 vjetësh. Ka pasur raporte muajin e kaluar se Becchetti është duke konsideruar shitjen e klubit. Ai bleu 90% të klubit nga Barry Hearn për 4 milion Paund”, shkruan “The Guardian”.
