Presidenti i Kosovës, Hashim Thaçi është ftuar nga Gjykata Speciale në Hagë. Pas ftesës, Thaçi ka njoftuar se të hënën do të udhëtojë për në Hagë për t’u intervistuar.
Lajmin e ka bërë të ditur vetë presidenti përmes një shkrimi në Facebook.
Shkrimi i plotë i Thaçit:
Qytetarë të nderuar të Republikës së Kosovës,
Në këto dy dekadat e fundit shumë pjesëtarë të UÇK-së u ballafaquan me drejtësinë ndërkombëtare të UNMIK-ut, Tribunalit të Hagës për Ish-Jugosllavi, EULEX-it dhe me drejtësinë vendore.
Kosova, edhe pse viktimë, bashkëpunoi me organet e drejtësisë për trajtimin e pretendimeve për krime lufte. Në këto dy vitet e fundit shumë ish-bashkëluftëtarë janë intervistuar nga Dhomat e Specializuara, brenda dhe jashtë vendit.
Të nderuar qytetarë të Republikës së Kosovës,
Më lejoni të ndaj me ju se të hënën do të udhëtoj për në Hagë si i ftuar nga Prokuroria Speciale për t’u intervistuar.
Deri sa bashkëluftëtarët e mi dhe unë do të përballemi me dinjitet dhe integritet me drejtësinë ndërkombëtare, ju ftoj që të bashkuar t’i përballojmë sfidat me të cilat po përballet vendi.
Uniteti qytetar, bashkëjetesa ndëretnike, stabiliteti institucional dhe besimi në institucione janë të domosdoshme që Kosova ta jetësojë vizionin që të jetë pjesë e NATO-s, Bashkimit Evropian dhe të ruajë miqësinë e përjetshme me Shtetet e Bashkuara të Amerikës.
Ju faleminderit për përkrahjen tuaj!
Zoti e bekoftë Kosovën!
Ja futi ketij Thacit,miku i Edi Rames ,Alexander VUCIC
Ik mor i korruptuar e frikacak jep dorheqien dhe perballu me ligjin si qytetar e mos na perziej zorret e barkut me ndjesite e tua nacionaliste. Ti nuk perfaqeson me as Kosoven as UÇK-n e LAVDISHME. Ti duhet te vetpastrohesh para tribunalit qe te akuzon per 100 veasje,edhe sikur te qendroj vetem nje dhe 99 te rrezohen to duhet te ndeshkohesh. Kosova dhe Kosovaret duan drejtesi dhe jo hajni orti lum miku.