Presidenti Thaçi në një intervistë për “Bloomberg”, shpreh besimin se viti 2019, do jetë viti i marrëveshjes.
“Unë dua të besoj se viti 2019 do të jetë viti i marrëveshjes”, deklaroi Thaçi, duke shtuar se “kjo është mënyra më e mirë që vendet tona dhe i tërë Ballkani Perëndimor të mund të ecin përpara”.
Duke folur për këtë marrëveshje, Presidenti tha se një marrëveshje e tillë do duhej të mbyllte “të gjitha çështjet e pazgjidhura mes të Kosovës dhe Serbisë”.
I pyetur se pse ishte optimist se dallimet mund të kapërcehen tani, Thaçi tha se tani ekziston një “momentum i ri me fokus dhe vëmendje të shtuar të BE-së, Shteteve të Bashkuara dhe partnerëve të tjerë ndërkombëtarë për të arritur një marrëveshje, veçanërisht nga Shtetet e Bashkuara”.
Ndërsa, kur është pyetur nëse ka presion që të kryhet marrëveshja para zgjedhjeve të Parlamentit Europian në muajin maj, ai tha “sa më shpejtë aq më mire”.
/a.rada
