“S’ mund t’i përgjigjemi arrestimeve me arrestime” deklaroi Presidenti Thaçi pyetjes së një gazetari lidhur me arrestimin e drejtorit të policisë së Kosovës në Mitrovicë Nehat Thaçi.
Ai ka deklaruar se institucionet janë duke u koordinuar me autoritetet ndërkombëtare për zgjidhjen e kësaj çështjeje sa më shpejt të jetë e mundur.
Pyetja u bë në konferencën e përbashkët për shtyp me presidentin Nishani sot në vizitën zyrtare që presdienti Thaçi ka në Tiranë.
Në konferencën e përbashkët të dy presidentët nënvizuan domosdoshmërinë e thellimit të bashkëpunimit mes dy vendeve dhe vazhdimin e dialogut Kosovë- Serbi, i domosdoshëm për stabilitetin në rajon.
Drejtori i Policisë në rajonin e Mitrovicës është arrestuar me akuza për terrorizëm, si pjesëtar i Ushtrisë Çlirimtare të Kosovës./a.k
