Presidenti i Kosovës, Hashim Thaçi, foli sot në konferencën e paralajmëruar për media e cila si ka për temë marrëveshjen e arritur në Washington.
Presidenti Hashim Thaçi ka qenë më i ashpër se zakonisht në konferencën e sotme për media, ku ka sulmuar të gjithë politikanët që kishin promovuar idenë se ShBA-ja do të çonte drejt një marrëveshjeje që do të ndante Kosovën.
Ai madje ka kërkuar që Albin Kurti, Haki Abazi e të tjerët të kërkojnë falje për konspiracionet dhe gënjeshtrat (sic) që kanë qarkulluar në vitet e fundit.Presidenti përsëriti vazhdimisht një qëndrim të tillë duke thënë se të gjithë ishin dëshmitarë se nuk kishte thika e nuk kishte harta në Washington.
Ai falenderoi të gjitha administratat amerikane për mbështetjen që i kanë dhënë Kosovës, republikane dhe demokrate, prej vitit 1990 e këndej.
“Në të gjitha takimet që kam pasur me presidentin Trump, më ka folur për Kosovën si një popull i mrekullueshëm. Java e kaluar ishte manifestim i këtij përkushtimi dhe kësaj përkrahje. Ndihem krenar që pas punës dy vjeçare nga administrata Trump të premten e kaluar u arrit që të formalizohej kjo përpjekje,” – tha presidenti
“Hasëm në akuza pengesa konspiracione nga shumë në marrëveshjen me shtëpinë e bardhë, por u pa se këto ishin të rrejshme dhe paragjykuese.
Projektet që do bëhen, vendet e punës, sikurse dhe fati i personave të pagjetura kanë qenë synimi ynë.
Dëshmia më e mirë e kësaj është zotimi që ka marrë Kosova në këtë luftë, synimi është paqja dhe stabiliteti në rajon.
Shprehim konsideratën maksimale për Trump që konkretizoi atë se çfarë pritet të mbarojë më njohjen reciproke nga Serbia.
Kjo nuk do të ndodhte pa angazhimin e Grenell, Ne besojmë në vizionin e SHBA, besimi ynë tek ata ka sjellë vetëm përfitime, tashmë mbesim të angazhuar për të vazhduar dialogun për normalizim të plotë të marrëdhënieve dhe njohje të tyre. Por na duhet mbështetja e Uashingtonit, gjithashtu duhet unitet i politikës kosovare.
Kam besim që do të vazhdojmë kështu. Miqësia dhe besimi me Amerikën do jetë i përjetshëm.
Formalizimi i marrëveshjes në Uashington ishte një përpjekje afatgjate , tashmë duhet të punojmë nga afër.
U pa se nuk ka patur thika në shtëpi të bardë, harta, as ndarje, por ka respektim të Kosovës e fuqizim të shtetit tonë, ata që kanë hedhur akuza të kërkojnë falje, mund të ecim para vetëm me politikë demokratike.
Mos të humbasim më kohë. Pra formalizimi i marrëveshjes është produkt i një procesi të vështirë të gjatë, por i udhëhequr nga Amerika. Kosova mund të ketë sukses me lidershipin e SHBA, unë kësaj i besoj.
Tani ku mbetën ato akuza, gënjeshtra, për thika e harta në shtëpinë e bardhë, asgjë nuk do ecë me tej pa unitet politik”, tha presidenti i Kosovës
/e.rr
