Zëvendëskryeministri Hashim Thaçi, njëherësh ministër i Jashtëm i Kosovës, viziton sot Vatikanin, ku do të takojë kardinalë dhe kryepeshkopë të selisë së Kishës Katolike.
Lajmi bëhet i ditur nga mediat kosovare sipas të cilave zëvendëskryeministri Thaçi sot do të takojë presidentin e Këshillit Papnor të Selisë së Shenjtë për Familjen dhe peshkopin emeritus të dioqezës ‘Terni Narni Amelia’ në Itali, Vincenzo Paglia.
Më tej zëvendëskryeministri Thaçi do të takojë edhe sekretarin për Marrëdhënie me Shtetet në Vatikan, Paul Gallagher dhe pas tij edhe prelatin katolik dhe kardinalin që shërben aktualisht si president i Komisionit Papnor të Vatikanit, që njëherësh është edhe kryetar i Governorates së Vatikanit, Giuseppe Bertello.
Vatikani është rezidenca e Papës, i cili ushtron fuqinë e ligjvënies, zbatimit të ligjit dhe fuqinë gjyqësore në këtë qytet shtet.
Redaksia Online
(JavaNews.al)
