Banka e Shqipërisë publikoi sot raportin për vitin 2014, në mbledhjen e Komisionit të Ekonomisë. Gjatë prezantimit të raportit Guvernatori i BSH Gent Sejko u shpreh se ekonomia ka shënuar një rritje me 1.9 % në vitin 2014, krahasuar me vitin 2013-të ku ishte 1.5%.
Duke bërë një analizë të punës së BSH-së gjatë vitit 2014-të, Sejko tha se vëmendja e BSH është përqendruar në mbajtjen në kontroll të inflacionit dhe çmimeve që sipas tij kanë shënuar të dyja rezultate pozitive.
“Vëmendja e BSH është përqendruar në mbajtjen në kontroll të inflacionit dhe ruajtjen e stabilitetit financiar. Rezultatet kanë qenë pozitive. BSH ka punuar për mbështetjen e integrimit në BE dhe përshtatjen e sistemit ligjor me atë të BE. Objektiv i BSH është ruajtja e stabilitetit të çmimeve. Politika monetare është zbatuar nën presione të ulëta inflacioniste. Politika monetare duhet të jetë lehtësuese edhe në vitet në vijim. BSH ka përmbushur detyrat e saj kryesore në pagesa dhe në bilancin e pagesave, ka punuar në mbështetje të integrimit në Bashkimit Europian.” u shpreh Sejko
Redaksia Online
(JavaNews.al)
