Ndërsa Kosova po digjet zyrtarët marrin mbështetje për vizat. Ministri i Punëve të Jashtme, Hashim Thaçi, është takuar me komisioneren e lartë të Bashkimit Evropian për Punë të Jashtme dhe Politika të Sigurisë, Federica Mogherinin, me të cilën ai ka folur për hapat e mëtutjeshëm të Kosovës në rrugën e anëtarësimit në BE dhe për liberalizimin e vizave për qytetarët e Kosovës.
“Agjendën në Bruksel e vazhduam me takime me komisioneren e lartë të Bashkimit Evropian për Punë të Jashtme dhe Politika të Sigurisë, njëherësh nënkryetare e Këshillit të Evropës, znj. Federica Mogherini, si dhe me nënkryetaren e Parlamentit Evropian dhe raportuesen për Kosovën, znj. Ulrike Lunacek. I falënderuam për mbështetjen e tyre për proceset integruese të vendit”, ka njoftuar Thaçi në Facebook.
