Presidenti i Kosovës, Hashim Thaçi, shprehu sot mirënjohjen ndaj Zëvendëspresidentit të SHBA-së, Joe Biden, për mbështetjen ndaj popullit të Kosovës.
Në një postim në rrjetin social Facebook, Thaçi thekson “Joe Biden, prej dy dekadash ka mbështetur luftën për lirinë, pavarësinë dhe integrimin e Kosovës në NATO e BE. Faleminderit Zëvendëspresident Biden”.
Zëvendëspresidenti i SHBA-ve Joe Biden zhvillon sot një vizitë në Kosovë, ku u takua me kryeministrin Isa Mustafa dhe më pas do të takohet me Presidentin Hashim Thaçi, si dhe do të marrë pjesë në ceremoninë e emërimit të rrugës kushtuar djalit të tyre të ndjerë Joseph R. “Beau” Biden, III, afër kampit Bondsteel.
