Presidenti i Republikës së Kosovës, Hashim Thaçi, pas njoftimit të bërë publik nga Zyra e Prokurorit të Specializuar lidhur me inicimin e ngritjes së aktakuzës, ka ndërprerë udhëtimin zyrtar drejt Shteteve të Bashkuara të Amerikës.
Thaçi ishte ftuar në Uashington në kuadër të procesit të dialogut ndërmjet Kosovës dhe Serbisë.
Lidhur me anulimin e vizitës zyrtare në SHBA, Zyra e Presidentit të Republikës së Kosovës tashmë ka informuar edhe Shtëpinë e Bardhë.
Ditën e sotme mediat bënë publik njoftimin e Hagës sipas së cilës Hashim Thaçi dhe Kadri Veseli akuzohen për rreth 100 vrasje serbësh, romësh dhe kundërshtarësh politikë.
Në lidhje me akuzat, sot kanë reaguar Isa Mustafa, Ramush Haradinaj dhe Ilir Meta.
***
Isa Mustafa:
Besoj thellë se lufta e UÇK-së. Ishte dhe do të konfirmohet nga drejtësia ndërkombëtare si luftë e drejtë dhe pastër, se luftëtarët e UÇK-së luftuan për ta mbrojtur popullin e Kosovës nga terrori, likuidimi dhe gjenocidi serb. IM
Ramush Haradinaj:
Populli shqiptar i Kosovës me të drejtë zhvilloi luftë për liri, pas shtypjes së egër nga regjimet e ndryshme serbe, që zgjati pothuajse një shekull, duke kulmuar me regjimin e Millosheviqit. Ushtria Çlirimtare e Kosovës ka bërë luftë të pastër, rezultat i së cilës ishte liria dhe themelimi i Republikës së Kosovës.
Ne besojmë në pafajësinë e Presidentit Thaçi, kryetarit Veseli dhe të gjithë bashkëluftetarëve të tjerë
Ilir Meta:
Lufta e UÇK-së, që iu imponua popullit të Kosovës nga shtypja dhe gjenocidi i regjimit kriminal të Millosheviçit, rezultoi se ishte e drejtë dhe vendimtare, jo vetëm për lirinë dhe themelimin e Republikës së Kosovës në kufijtë e njohur ndërkombëtarisht, por edhe për paqen, stabilitetin dhe ardhmërinë e saj europiane dhe të rajonit tonë. Ne besojmë në pafajësinë e Presidentit Hashim Thaçi, ish-Kryetarit të Kuvendit, Kadri Veseli dhe të gjithë bashkëluftëtarëve të tyre. Edhe më parë janë ngritur akuza ndaj ish-drejtuesve të UÇK, por pafajësia e tyre dhe drejtësia e luftës është konfirmuar. Ne besojmë se kjo do të ndodhë përsëri.
Pavaresisht ndjeshmerive politike, kjo eshte nje goditje shume e rende per Kosoven dhe gjithe faktorin shqiptar. Tani, neser eshte vone, faktori politik ne Shqiperi, Kosove, Maqedoni, Luginen e Presheves, Mal te Zi etj., duhet te dale me nje qendrim te qarte, te forte e te unifikuar!
Nuk mund te besohet se USA do ta vere ne veshtirsi krijesen e vet. Kriminelet dhe te korruptuarit ne Kosove dhe ne Shqiperi duhet te shkojne para drejtesise sepse keshtu shqiptaret brenda e jashte Shqiperise behen faktor stabiliteti dhe prosperiteti be Ballkan.