Të hënën demokratët dhe socialistët do të përballen në komisionin e ligjeve mbi paketën e ndryshimeve në kodin zgjedhor që mundësojnë lehtësi financiare dhe proceduriale për votën e emigrantëve.
Nga Shkodra, Kryetarja e Komisionit të Ligjeve Klotilda Bushka ua bëri të qartë demokratëve që PS nuk sheh nevojë për negociata te tjera për sa kohë që përfituese është diaspora shqiptare.
As për Avokatin e Popullit nuk duket të ketë hapësira për dialog politike mes forcave kryesore, pasi vetë Bushka e pranon që PS nuk ka një emër të preferuar.
Nëse asnjë nga emrat nuk merr 84 vota në seancën e 13 shkurtit ashtu siç ka ndodhur në harku e 2 viteve, procedura për Avokatin e Popullit do të duhet të nisë sërish nga fillimi, që nga aplikimi, dëgjesat në komision deri tek emri i preferuar nga politika.
