Ministri i Brendshëm Saimir Tahiri ndodhet në Beogra në një vizitë dyditore ku do të diskutohet për luftën kundër terrorizmit dhe radikalizmit të dhunshëm.
Ministri Tahiri, gjatë fjalës së tij në konferencë u shpreh se nevojitet një axhendë konkrete veprimesh të përbashkëta në luftën kundër terrorizmit, mes vendeve të rajonit. Tahiri shtoi se duhen zhdukur paragjykimet dhe burokracia në marrëdhëniet mes vendeve ballkanike, për të patur rezultate më të larta.
“Është nevoja jonë e ngutshme të shkurtojmë burokracinë dhe të gjithë pengesat që rrezikojnë kapacitetet tona për të bashkëpunuar në mënyrë që të kemi sukses kundër terrorizmit. Nuk besoj se ka ndryshuar shumë që prej takimit të fundit këtu, lidhur me bashkëpunimin rajonal. Dhe, jam i kënaqur që në Samitin e Uashingtonit të gjithë pjesëmarrësit dhe presidenti Obama theksuan që nevojitet të ndërmerren hapa specifik dhe të përbashkët në luftën kundër terrorizmit dhe ekstremizmit të dhunshëm. Ne ndoshta, duhet të shikojmë mundësinë për të përgatitur, hartuar, hapa të përbashkëta dhe specifike, duke filluar me personat në secilin prej institucioneve tona, deri tek hapat që duhet të ndjekim bashkë në mënyrë që të jemi plotësisht efiçent në luftë kundër terrorizmit.” tha Tahiri
Ministeriali i radhës pritet të zhvillohet në Shqipëri, në datat 1921 maj.
Redaksia Online
(JavaNews.al)
