Është publikuar edhe videoja e grabitjes së një supermarketi në Lezhë, ngjarje kjo e ndodhur ditën e djeshme në orën e pasdites.
Pesë autorë të armatosur dhe të veshur me uniforma të bardha, kanë mbundur të grabisin plot 20 milionë lekë të vjetra nga supermarketi që ndodhet në kryqëzimin e Tales, në aksin rrugor Lezhë-Laç.
Pamjet filmike tregojnë terrorin që përjetuan klientët, që u detyruan nga pesë grabitësit që të ulen në tokë nën kërcënimin e armëve.
Autorët e grabitjes janë larguar në drejtim të Milotit Policia ngriti menjëherë disa postoblloqe në rruget që lidhin Lezhen me Laçin por pa mundur që të bien në gjurmët e autorëve të ngjarjes.
Policia e Lezhës shoqëroi 15 persona për t’i marrë në pyetje në lidhje me grabitjen e supermarketit të ndodhur pasditen e djeshme, në afërsi të kryqëzimit të Shënkollit. Mes të shoqëruarve thuhet se ka edhe personel të supermarketit. (Panorama)
