Ish kryeministri Sali Berisha tërhiqet nga deklaratat për armatosje. Në seancën e pasdites së Kuvendit, ai ka bërë një kthesë 180 gradë duke deklaruar se “qeveria duhet të largohet me revolucion demokratik, me mjete demokratike paqësore”. Kjo kthesë e tij duket se ka ardhur si rezultat i faktit se në deklaratat në seancën e paraditës kërkoi armatosjen e popullit për të përzënë qeverinë dhe për t’u mbrojtur nga bandat.
Thirrjet e tij në Kuvend për armatosje shkelin hapur ligjin dhe konsiderohen vepër penale në bazë të nenit 222 të Kodit Penal i cili parashikon deri në 10 vite burg për personat që bëjnë thirrje për armatosje në mënyrë të kundërligjshme. Deklaratat e Berishës bën jehonë dhe në mediat ndërkombëtare të cilat nënvizuan se ato binin ndesh me ligjin.
(javanews.al)
