Misioni i KFOR-it në Kosovë ka bërë me dije se se trupat kroate ishin bashkuar me komandën rajonale të misionit në perëndim të Kosovës, duke e bërë atë shtetin e nëntë në njësi. Mediat e Kosovës shkruajnë se në një status në Twitter, KFOR bën me dije se ushtarët kroatë do të integrohen në një batalion kinetik, i cili do të patrullojë anën perëndimore të Kosovës.
“Trupat kroate janë bashkuar me Komandën Rajonale të KFOR në Perëndim, duke u bërë vendi i nëntë që do të jetë pjesë e njësisë,”- shkruhej në status.
Ata do të jenë së bashku me ushtarë nga Austria, Italia, Rumania, Maqedonia Veriore, Polonia, Sllovenia, Zvicra, Turqia. Ky bashkim i forcave kroate me KFOR-in në Kosovë u promovua gjatë një vizite të ministrit të Jashtëm kroat Gordan Grliç Radman në Prishtinë pak muaj më pare, dhe ka çuar në acarimin e Beogradit zyrtar.
Ky i fundit e ka parë këtë akt si një aleancë shqiptaro-kroate kundër saj, duke ditur dhe fërkimet që Serbia e Kroacia kanë pasur historikisht. Serbia dhe Kroacia kanë historikisht fërkime që nga lufta e përgjakshme për shpalljen e pavarësisë dhe shpërbërjen e ish-Jugosllavisë në fillim të ’90. Herë pas here marrëdhëniet mes tyre acarohen.
g.kosovari
