Ka shkuar në total 12 numri i varreve greke të gjetura në fshatin Dragot të Tepelenës, nga komisioni i posaçëm Shqiptaro-grek. Burime për Report Tv bëjnë të ditur se procedurat për eshtrat e 10 ushtarëve kanë përfunduar tashmë, ndërsa për dy të tjerë, janë ende në proces. Kërkimet po kryhen nga një komision i përbashkët shqiptaro-grek me përbërje nga zyra e shërbimeve publike në Bashkinë e Tepelenës.
Nga pala greke, pjesë e komisionit janë tre persona, njëri prej të cilëve ish-ushtarak, njëri nga ministria e mbrojtjes, dhe personi i tretë vjen nga shoqata e ushtarakëve dhe familjarëve të rënë në luftën italo-greke, i cili edhe posedon data-bazën e ushtarëve.
Pasi mblidhen eshtrat, depozitohen në një qese plastmasi dhe lihen në dy kontejnerët që janë vendoset në terren posaçërisht.
