Presidenti Donald Trump ka promovuar disa teori të egra konspirative në lidhje me mashtrimet zgjedhore që prej vitit 2016. Si shumë nga deklaratat e tij, edhe këto pretendime e kanë mpirë publikun dhe kanë bërë që absurdi të jetë pjesë e sfodnit të zhvillimeve. Prandaj është e lehtë të mos e vesh re faktin se deklaratat e ditëve të fundit janë shumë më të çmendura sesa i kishit menduar.
Teoria e vjetër e tij konspirative lidhet me votimin përmes postës, që ai e konsideroi si mashtrim. Tani teoria e tij e rë është se zgjedhjet u vodhën pasi një kompani e majtë softuerësh e lidhur me Hugo Chavez dhe George Soros, vodhi me keqdashje qindra mijëra vota në mes të natës. Këtë pretendim, Trump e ka shpërndarë së fundmi edhe në Tuiter. Këtë teori madje e përforëcoi edhe avokati i tij Rudy Giuliani i cili duket folur këtë fundjavë për ‘Fox’ tha se bëhet fjalë për një kompani që ka lidhje me Venezuelën dhe Kinën.
“Bëhet fjalë për një një kompani radikale e majtë. Një prej drejtuesve të saj është një mbështetës i madh i lëvizjes antifashiste. Dhe softueri që përdorin ata është bërë nga një kompani e quajtur Smartmatic, që u themelua nga Chavez. Kjo u përdor për të vjedhur zgjedhjet në Amerikën e Jugut” – janë disa nga shpjegimet e Giulianit.
Tashmë nuk ka nevojë për t’i zbardhur të gjitha pretendimet pasi ‘serioziteti’ i kësaj historie është i kuptueshëm.
Së pari, teoria misterioze e Giulianit synon të shpjegojë pse Trump mori kryesimin në disa shtete Natën e Zgjedhjeve, por pastaj ra në pikiatë.
Siç kanë shpjeguar ekspertët për muajsh; republikanët do të votonin kryesisht në ditën e zgjedhjeve, ndërsa demokratët votuan në mënyrë disproporcionale me postë. Shtetet si Pensilvania, Miçhigani dhe Uiskonsin paraprakisht numëruan fletëvotimet e ditës së zgjedhjeve. Pikërisht në këto shtete, Trump tentoi më parë që të mos i lejonte votimet me postë për të mbajtur epërsinë.
Së dyti, edhe nëse është i mundur hackerimi i një makine elektronike votimi, nuk mund të hackerosh pjesëmarrjen në zgjedhje. Departamenti i Sigurisë Kombëtare ka një faqe kontrolli të thashethemeve që bllokon teori të ndryshme konspirative. Institucioni në fjalë thotë ndër të tjera se “Sisteme të tilla, të votimit elektronik, i nënshtrohen auditimeve të shumta për të siguruar saktësinë dhe besueshmërinë. Për shembull, disa qarqe kryejnë auditime të shumëfishta, duke përfshirë një logjikë paszgjedhore dhe provë saktësie të sistemit të votimit”.
Së treti, Giuliani pretendon se jo vetëm që makinat e votimit u hakuan në shuëm shtete, por edhe që programi kompjuterik është krijuar për të manipuluar totalin. Dhe ky program u krijua nga një komplot ndërkombëtar duke përfshirë Sorosin, Chavezin që ka vdekur 7 vite më parë, dhe Partinë Komuniste Kineze.
Pra në thelb Trump dhe Giuliani besojnë se një program kompjuterik sekret komunist mund të kontrollojë qeverinë e SHBA.
Dhe ta mendosh që Trump u kujtua për këtë pasi i bëri afro 4 vite si President…
(Përshtatur nga Intelligencer / JavaNews)
