Pas debateve të ashpra dhe tentativave të deputetëve të opozitës Flamur Noka dhe Ervin Salianji për ta larguar me forcë, kryebashkiaku i Tiranës Erjon Veliaj ka dhënë një deklaratë për mediat në korridoret e Kuvendit.
Ai ka deklaruar se ndryshe nga sa pretendon opozita që kërkoi ta nxirrte jashtë, ai ka pasur ftesë për të qenë në komision.
“Jam ftuar për të qënë pjesëmarrës për të dëshmuar mbi nismën fantastikë të bashkisë për ti dhënë teatrit më të mirën në 100 vite. Jam ftuar për të qënë në komision nesër nga minoranca, 6 vetë. Kryetari i bashkisë nuk është i zgjedhur nga parlamenti por nga populli, kjo do të thotë që nuk e ka detyrim të japë shpjegime. Kjo do të thotë që unë e kam me pasion këtë punë, kam qënë i gatshëm të dëshmoj për këtë çështje. Nesër jepet çmimi i hapësirës më të mirë publike dhe ne jemi finalistë, ndaj do shkojmë në Barcelonë. Ia sqarova që më kanë ftuar dy të tretat në Teatër”./a.m.
