Një 30-vjeçar i cili ishte shpallur në kërkim ka rënë në prangat e policisë Durrës.
Sipas asaj që njoftojnë uniformat blu ndaj të riut është caktuar masa e sigurisë “Arrest në burg”, për veprat penale ”Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.
Blutë bëjnë me dije se 30-vjeçari K. K. Dyshohet se pas një konflikti të çastit për motive të dobëta, ka tentuar të vrasë me armë zjarri 34 vjeçarin O. B., banues në Fier, i cili mbeti i plagosur.
Veprimet e tjera procedurale për këtë shtetas do të kryhen nga DVP Fier teksa materialet procedurale i kaluan Prokurorisë, për veprime të mëtejshme.
