Policia ka arrestuar një person të dyshuar për tentativë vrasje ndërkohë tre të tjerë janë shpallur në kërkim.
Mariglen Caca 19 vjeç, banues në Krujë, u arrestua nga policia e këtij qyteti këtë të enjte, i akuzuar për tentativën e vrasjes së ndodhur në Fushë Krujë rreth dhjetë ditë më parë.
Ai akuzohet se më 22 shkurt, në bashkëpunim me F.C., 30 vjeç, S.C., 25 vjeç dhe L.C., 47 vjeç, pas një konflikti çasti dyshohet se kanë tentuar të vrasin me armë zjarri 29-vjeçarin A.P. 29 vjeç, banues në Krujë.
Policia vijon punën për kapjen tre të dyshuarve, të cilët janë shpallur në kërkim dhe dokumentimin e plotë të ngjarjes.
Aktualisht hetimet janë në vijim për të zbuluar më shumë mbi këtë rast, ndërkohë që materialet iu referuan Prokurorisë së Krujës për veprat penale “Vrasja me dashje e mbetur në tentativë” në bashkëpunim dhe “Prodhimi dhe mbajtja pa leje e armëve luftarake dhe e municionit”./a.m.
